Askotan esan diogu gure buruari lotsatiak eta barnerakoiak garela eta azkenean, sinetsi egin dugu. Gogoan izan konektatzeko gaudela hemen eta beraz, ez egin zalantzarik ezagutzen ez dituzunei zure burua aurkezteko edo egiten dutenaz interesa erakusteko. Aukera mugagabeko mundu bat ezagutuko duzu, seguru.

Erraz esaten da, eta ez dakigu egitea ere hain erraza ote den. Baina argi dago. Ez jokatu besteekin zuri gustatuko ez litzaizukeen moduan. Jokatu zintzo eta gogoratu zure askatasuna bestearena amaitzen den lekuan hasten dela.

Gure berdinak edo antzekoak direnekin biltzeko joera izaten dugu. Eta hori oso ondo dago, baina ez galdu beste profil eta ikuspegi osagarri eta aberasgarri batzuk ezagutzeko aukera. Eta jakina, desberdintasunak begirunez hartu. Bizi eta utzi bizitzen.

Oso ondo dago zer egiten duzun kontatzea eta zure enpresaren jarduerei buruz hitz egitea, baina gogoan izan ideia eta irtenbide berriak sustatu nahi ditugula eta ez produktu eta zerbitzuen truke hutsa. Gehiegi saltzen ari naizela iruditzen bazaizu, seguru asko, hala arituko zara.

Ez egin izaera profesionaleko beste leku batean egingo ez zenukeena. Edaria geuk jarriko dugu eta taberna/kafetegi batean gaude, baina kontsumitu arduraz eta jokatu ondo gainerakoekin.

Topaketen dinamika eta komunitateko kideak hobeto ezagutu ahala, pentsatu ea zer ekarpen egin dezakezun (ezagutzak, kontaktuak) emaitza aberastu eta konexioak hobetzeko.

Konfiantzazko harremanak eraikitzea da kontua, eta horretarako, elkarrekin egotea, tartean denbora gehiegi utzi gabe. Ez dugu beti pertsona berdinekin eta hasierako puntuan egotearen sentsazioa sortzerik nahi. Hartu parte ahal duzun guztietan, utzi harremanari aurrera egiten eta bihur zaitez konektore beterano.

Sarearen balioa haren kide kopurua ber bi da. Eman ekimenaren berri beste batzuei ere eta gonbida itzazu etortzera komunitatean eta topaketen filosofiarekin ondo egokituko direla uste baduzu.